გასამართლდეს ყველა სასულიერო პირი, რომელიც სამშვიდობო აქციის დარბევაში მონაწილეობდა

დღეს კიდევ ერთხელ ვიხილეთ თუ რა ნეგატიურ ზეგავლენას ახდენს ე.წ მართლმადიდებლური ეკლესია მრევლზე.
მრევლს რაღა უნდა მოთხოვო, როდესაც შენი თვალით ხედავ როგორ მისდევს მამაო უდანაშაულო მოქალაქეს, აგინებს, ლანძღავს და სკამებს ესვრის. იმის მაგივრად, რომ სიტუაცია განმუხტონ და ხალხს სიმშვიდისკენ მოუწოდონ, პირიქით იქცევიან, ჰომოფობიურ განცხადებებს აკეთებენ და საკუთარ მრევლს ქრისტეს სახელით ბრძოლისკენ და მშვიდობიანი აქცის დარბევისკენ მოუწოდებენ. თქვენი აზრით ეს შეეფერება სასულიერო პირს, რომლის სიტყვაც ზოგიერთი ადამიანისთვის კანონზე მაღლა დგას? – ჩემი აზრით ეს უფლებების გადაჭარბებაა და სასწრაფოდ ყველა სასულიერო პირი უნდა დაიკითხოს და გასამართლდეს, რომელიც ძალადობის პროპაგანდას ახდენდა, ჩვენ გვეუბნებოდნენ ჰომოსექსუალობის პროპაგანდას ნუ ახდენთო და თვითონ გამწარებული მოუწოდებდნენ ხალხს აქციის დარბევისკენ. ამბობდნენ, რომ თუ ახალგაზრდა თაობა ჩენ შემოგვხედავდა ჩვენი ზეგავლენის ქვეშ მოექცეოდა და მათ ფსიქიკაზე იმოქმედებდა, მაგრამ აქციის დარბევის პერიოდში ის ავიწყდებოდათ, რომ მათ ასეთ უღირს საქციელს სწორედ ის ახალგაზრდა თაობა უყურებდა, რომელზეც ასე ზრუნავდნენ.
ჩემი მოთხოვნაა დაიკითხოს და გასამართლდეს ყველა სასულიერო პირი, რომელიც ჩართული იყო აქციის დარბევაში.
დაუშვებელია ამ ყველაფერზე უარის თქმა მხოლოდ იმის გამო, რომ საქმე სასულიერო პირს ეხება და ამ ყველაფრის გაკეთბა “დაზომბირებულ მრევლს” კიდევ უფრო გააღიზიანებს. დამნაშავე უნდა დაისაჯოს! გამოქვეყნდა კადრები სადაც აშკარად ჩანს, როგორ მოუწოდებენ მამაოები თავიანთ მრევლს ძალადობისკენ, თვალნათლად ვხედავთ როგორ არბევენ აქციას გაცოფებული ჰომოფობები და სცემდნენ უდანაშაულო ხალხს. ესეც აღარ იკმარეს და ხალხით სავსე სამარშრუტო ტაქსების ამოტრიალებაც სცადეს.
რა გჭირთ ხალხნო? თუ ჰომოსექსუალობა ცოდვა და გარყვნილებაა, მაშინ თქვენს საქციელზე რაღას იტყვით? თქვენი აზრით ამ ყველაფერს მოგიწონებდათ ღმერთი?