მაგიური რიტუალები რომლებიც თავად შევასრულე

აქამდე არასდროს დამიწერია იმ რიტუალის შესახებ, რომელიც თავად მაქვს გაკეთებული, გადავწყვიტე დღეიდან ბლოგზე დავწერო ის რიტუალები, რომლებიც თავად შევასრულე. გაგიზიარებთ იმ შეგრძნებებს რომლებიც დამეუფლა და როგორ შევასრულე ეს რიტუალი.

დღეს მოგიყვებით იმ რიტუალზე, რომელიც დაახლოებით 4-5 თვის წინ შევასრულე, ჩემი აზრით თქვენც გამოგადგებათ. არ დაგიმალავთ და გულახდილათ გეტყვით, რომ გაგიჟებით მიყვარდა ერთი ბიჭი, მაგრამ ეს ბიჭი ნატურალი იყო და მე ყურადღებას არ მაქცევდა (აქვე “ქამინგ აუთს” გავაკეთებ და გეტყვით, რომ ბისექსუალი ვარ). ჟურნალისტიკის ლექციებზე ერთად დავდიოდით და იქ უფრო კარგად გავიცანი. ზუსტად ისეთი ბიჭი იყო, როგორი ბიჭებიც მე მომწონს. ერთხელ ჟურნალისტიკის ლექციიდან, რომ წამოვედით კაფეში დავპატიჟე. ბევრი ვისაუბრეთ, მივირთვით და ბოლოს გამოვუტყდი, რომ მიყვარდა. ეს გაიგო თუ არა ადგა და მაშინვე გავიდა შენობიდან. იმის მერე დიდი ხანი არ გამოჩენილა ლექციაზე, ბოლოს, რომ მოვიდა დამელაპარაკა და მითხრა, რომ მასთან მეგობრობა თუ მსურდა მასთან სქესობრივ კავშირზე ფიქრი თავიდან უნდა ამომეგდო. მე დავთანხმდი, მაგრამ მე მას მხოლოდ სექსის სურვილის გამო არ დავუახლოვდი, მე ის მიყვარდა. ღამეებს ვათენებდი მასზე ფიქრში და ბოლოს მივხვდი, რომ მაგიისთვის უნდა მიმემართა. ხელში ჩავიგდე მისი თმის ღერი, სურათი და შევუდექი საქმის კეთებას…

თუ თქვენც გყავთ შეყვარებული (სქესს მნიშვნელობა არ აქვს), გააკეთეთ ყველაფერი ისე როგორც მე მიწერა:

სავსემთვარეობას ზუსტად ღამის 11 საათზე ავიღე მისი სურათი და დაახლოებით ნახევარი საათი ვუყურებდი თვალებში და თან წარმოსახვით გადავცემდი ჩემს აზრებს მას (უმჯობესია თვალებში ყურების მომენტში იფიქროთ იმაზე, თუ როგორ ეხუტებით და გადასცემთ სითბოს ერთმანეთს). ამის შემდეგ ავიღე წითელი სანთელი, დავანთე და თავის გარშემო 13-ჯერ დავაწვეთე – თითოეულ დაწვეთებაზე ვამბობდი: “შენი სული ჩემს გზაზე მოდის, მოსვლის შემდეგ ვეღარ წავა უკან”. – ამის შემდეგ ჩავედ ეზოში და დავმარხე ეს სურათი ჩემს სახლთან ძალიან ახლოს. მეორე დღიდან 13 დღის განმავლობაში ვუსხამდი წყალს იმ ადგილს სადაც ფოტო ჩავმარხე და გულში ვამბობდი: “შენი სული ჩემს გზაზე მოდის, მოსვლის შემდეგ ვეღარ წავა უკან”.

გასაოცარია, მაგრამ 13 დღის შემდეგ, როდესაც ჟურნალისტიკის ლექციაზე მივედი გულთბილად შემხვდა, გადამკოცნა და მთელი ლექციის განმავლობაში თვალს არ მაცილებდა. თავიდან არ მჯეროდა, რომ რიტუალი იმოქმედებდა, მაგრამ იმ დღის შემდეგ ნელ-ნელა დავუახლოვდით ერთმანეთს და დაახლოებით 5 თვის განმავლობში გვქონდა სასიყვარულო ურთიერთობა. შემდეგ რაღაც გაუგებრობა მოხდა და დავშორდით.

სცადეთ იგივე რიტუალი თქვენც, მე წარმატებებს გისურვებთ!